riboflavin

دەربارە

یەکێکە لە کۆمەڵەی ڤیتامین بییەکان کەلە ناو ئاودا دەتوێتەوە و ڕۆڵێکی سەرەکی دەگێڕێت لە بەرهەمهێنانی وزە بەیارمەتیدانی میتابۆلیزمی چەوری و کاربۆهیدرات و پرۆتینەکان . گرنگی و ڕۆڵی ئەم ڤیتامینە ئەوەیە کە یارمەتیمان ئەدات لە خۆپاراستن لە هەندێک جۆری شێرپەنجە وەک شێرپەنجەی منداڵدان بەهۆی ڕێگری کردن لە تێکچوون و لەناوچوونی ترشی ناوکی (DNA) ناو خانەکان و بونیادی خانەکانی لەش سودەکانی تری ئەم ڤیتامینە ١.ڕێگری کردن لە شەقیقە ٢.پاراستنی تەندروستی چاو ٣.چالاککردنی کۆئەندامی دەمار ٤.چارەسەرو ڕێگری كردن لە كەمخوێنی ٥.یارمەتی دابەزاندنی فشاری خوێن ٦.كەمكردنەوەی گرژبوون و تەشەنووجاتی ماسولكەكان ٧.كەمكردنەوەی ئەگەری نەخۆشیەكان دڵ و بۆرییەكانی خۆین و پاراستنی تەندروستی جگەر نیشانەکانی کەمی ئەم ڤیتامینە : ١. کەمخوێنی ٢.بێهێزی و بێ تاقەتی بەردەوام ٣.هەوكردنی قورگ یان ناودەم یان زمان ٤.بوونی كێشە لە دەمارو كۆئەندامی دەمار ٥.كێشە لە زیندەچاڵاكی (میتابۆلیزم) گرنگترین سەرچاوەکانی خۆراک : گۆشتی سوورو ماسی و گۆشتی پەلەوەر، قەڕنابیت ، سەوزە گەڵا تۆخەكان : وەك سپێناخ ، بڕۆكلی قارچك ، ئەڤۆگادۆ ، چەرەزات ، پەتاتەی شیرین ، مەعدەنووس .