ascorbic+acid

دەربارە

ڤیتامین c ڤیتامین c یەکێکە لە ڤیتامینە بنەڕەتیەکان کە پێویستە بۆ گەشەکردن و چاککردنەوەی شانەی هەموو بەشەکانی لەش،ڤیتامین c یەکێکە لەو ڤیتامینانەی لە ئاودا دەتوێتەوەو لەشی مرۆڤ ناتوانێت دروستی بکات. بۆیە پێویستە بە شێوەیەکی بەردەوام بە ڕێژەی پێویست ڕۆژانە چ لەڕێ خۆراك یان تەواوکەری خۆراک وەربگیرێت،ڤیتامین c ڕۆلێکی گرنگ لەجەستەدا دەگڕێت وچەندین سودی تەندروستی ھەیە. سودەکانی ڤیتامین c ــ مەترسی نەخۆشی درێژخایەن کەم دەکاتەوە لەبەرئەوەی ڤیتامین c دژە ئۆکسانێکی بە ھێزە. ــ یارمەتی نزم کردنەوەی پەستانی خوێن دە دات . ــ یارمەتی کەمکردنەوەی ئەو ھۆکارانە دەدات کە دەبنە ھۆی نەخۆشیەکانی دڵ . ــ ڤیتامینc دە بێتە ھۆی کەمکردنەوەی ترشی یوریک ، بەرزی ترشی یوریک دە بێتە ھۆی نەخۆشی( Gout )ھەوکردنی جومگەکان . ــ ڕێگری دەکات لە کەمبونەوەی ئاسن لە جەستەدا، ئاسن چەندین کاری گرنگ لە جەستە دا دەکات ڤیتامین c یارمەتی ھەڵمژینی زیاتری ئاسن دەدات . ــ دە بێتە ھۆی بە ھێز بوونی سیستەمی بەگری لەش ،یەکێک لە هۆکارە سەرەکییەکانی وەرگرتنی ڤیتامین c ئەوەیە کە بەرگری زیاد دەکات ، بەو هۆیەی کە ڤیتامین سی لە زۆر بەشی کۆئەندامی بەرگریدا بەشدارە . ڤیتامین C یارمەتی ی بەرهەمهێنانی خانە سپییەکانی خوێن دەدات کە بە لیمفۆوسیت و فاگۆسایت ( lymphocytes and phagocytes) ناسراوە ، کە یارمەتیدەرە بۆ پاراستنی لەش دژی هەوکردن. ، ڤیتامین C بەشێکی بنەڕەتییە لە سیستەمی بەرگری پێست . بەشێوەیەکی چالاک دەگوازرێتەوە بۆ پێست، کە دەتوانێت وەک دژە ئۆکسێن کار بکات و یارمەتیدەر بێت لە بەهێزکردنی بەربەستەکانی پێست. ــ پارێزگاری دەکات لە بیرەوەری و مەترسی تووش بوون بە نەخۆشی (dementia) خەڵفان کەم دەکاتەوە . ــ دەبێتە ھۆی کەمکردنەوەی سترێس . ــ یارمەتی زوو ساڕێژکردنی برین دەدات . ــ بە شدارە لە دروستکردنی کۆلاجین . ــ بە سودە بۆتەندروستی ئێسک و ددان. ــ تەندروستی قژ باشتر دەکات . ھەندێ لە نیشانەکانی کەمی ڤیتامین c. ــ وەرینی قژ . ــ لاوازی بەگری جەستە . ــ درەنگ ساڕێژبوونی برین. ــ خوێن بەربوونی لووت . ــ ھەبوونی ئازارو ئاوسان لە جومگەکان . ــ وشک بوون و زبری پێست . ــ کەم خوێنی ــ لاوازی مینای ددان ــ ھەست کردن بەماندوویەتی لە کاتی ئاسایی کۆمەڵێ لەو خۆراکانەی ڤیتامین c یان تێدایە . ــ لیمۆ ــ پرتەقاڵ ــ کێوی ــ شلیک ــ بڕۆکلی ــ کەلەم ــ قڕنابیت ــ ئەنەناس ــ تەماتە ــ کاڵەک ــ بیبەری شیرن ــ سپێناغ